روحي ترى بنزوجك قصة عانس

السلام عليكم

طبعا قصتي واقعية ولازم احكيها لكم[ابغي افضفض بالورق]

من بداية  ماعرفت الكلام وبديت افهم بعض الامور, دائما ماسمع أمي وابي يهددوني بالزواج

"روحي ترى بنزوجك" فلان ولد فلان ,مما يجعلني ابكي كثير وآخاف,وصل فيني كره لهذا الشخص

اللي يقولون بنزوجك منه,

صرت مررره أخاف من تهديد ابي لي بالزواج لدرجة اصبحت ماطيق كلمة زواج-عريس-خطيب-زفاف

مادري ممكن انجنيت >بنوته صغيره ماتفهم.

مرت السنين ودخلت المدرسه ومن هنا بداء الوضع يتغير وخوفي من الزواج يتلاشى,بانشغالي بالدراسه

المهم صار"فلان هذا"بعد وصلت صف سادس,ياخذنا معه ويوصلنا المدرسه ويرجعنا معاه.

كبرت وعرفت كل اشئ,

في مرحلة المتوسطه بديت ارتاح لهذا الانسان وهو يرتاح لي- ماكذب عليكم حبيته- كان طول

الطريق يناظر فيني ويقول- انا متزوجك حتي لو بالقوه - وانا مستحيه مارد,من بعدها قلت لابي

مابي اروح المدرسه مع فلان" وقلت له اعذار اني كبرة مايصح اركب معه ووافق,

بعد كم سنه مرت الله اعلم الظاهر خمس سنوات علي ماعتقد جاء هو ووالده البيت عندنا

وكان ناوين لي علي نيه -بيخطبني- من داخلي فرحانه لاني احبه ومتخوفه من ابوي

خطبوني .كان صدى كلام والده لابوي نغمات رنانه تعجبني بداخل صدري-  وابي ساكت

وخوفني بسكوته مرات اقول بيرفض ومرات اقول لا بيوافق وش يمنعه [كان يهددوني في الزواج فيه] وجاء

مرت الدقائق اللي ساكت فيها ابوي كانها سنه, وجاء الرد كالصاعقه علي وعلي امي بعد :( 

~{ماعندي بنات لزواج الآن}~

واصبح هذه الصيغة بالرد ,جملة محببة للوالد, يقولها عند كل من يطرق بابنا لخطبتي

==

يابوي كبرة يلا زوجوني اصبح عمري مناسب لما توعدوني
 بالأمس بالزواج تهددوني واليوم اقول بابوي زوجوني
 ليه كل عريس فيه تعذربوني حتي شوري له تتجاهلوني

==

وفاتني قطار الزواج وصار الرآس شايب { الله يسامحه ويغفر له}